ចេញផ្សាយថ្ងៃអាទិត្យទី17-08-2025
---------------------
ភ្នំពេញ÷យោងតាមប្រភពរបស់ប្រជាពលរដ្ឋបានឲ្យដឹងថា ទីតាំងល្បែងស៊ីសងខុសច្បាប់ ប្រភេទឆ្នោតឡូតូ ដែលមានឈ្មោះថា CL88 ជ្រក ក្រោមស្លាកយីហោ មុីមុី ពៅ 19.19កំពុងបើកលេងយ៉ាងណាធិបតេយ្យដោយមិនខ្លាចញញើតដល់អាជ្ញាធរមានសមត្ថកិច្ចនៅក្នុងមូលដ្ឋានបន្តិចសោះឡើយ។ .ទីតាំងល្បែងស៊ីសងខុសច្បាប់ខាងលើ ស្ថិតនៅក្នុងបុរីញូថោន ភូមិអង្គសង្កាត់ចោមចៅទី 3 ខណ្ឌពោធិ៍សែនជ័យ រាជធានីភ្នំពេញ។
មហាជនធ្វើដំណើរឆ្លងកាត់មានការហួសចិត្តទៅលើទីតាំងល្បែងស៊ីសងប្រភេទឆ្នោតឡូតូដែលបានបើកលេងយ៉ាងណាអធិបតេយ្យជាច្រើនកន្លែងនៅក្នុងសង្កាត់ចោមចៅទី 3 ដោយពុំមានឃើញអាជ្ញាធរឬសមត្ថកិច្ចចុះទៅអប់រំណែនាំនិងបិទទីតាំងខាងលើនោះទាល់តែសោះ មិនដឹងថាអស់លោកសមត្ថកិច្ចនៅក្នុងមូលដ្ឋានបានជ្រាបព័ត៌មានខាងលើនេះដែរឬទេ ។
មហាជនបានសំណូមពរទៅដល់ លោកនាយប៉ុស្តិ៍រដ្ឋបាលសង្កាត់ចោមចៅទី 3ជាពិសេសលោក ម៉ន វុទ្ធី អធិការនៃអធិការដ្ឋាននគរបាលខណ្ឌពោធិ៍សែនជ័យ សូមលោកមេត្តាជួយចាត់កម្លាំងជំនាញចុះពិនិត្យមើលនិងធ្វើការបង្ក្រាបចំពោះទីតាំងខាងលើនោះផង ដើម្បីរក្សានូវសុខសុវត្ថិភាពជូនប្រជាពលរដ្ឋនៅក្នុងមូលដ្ឋាន និងដើម្បីរក្សាបាននូវភូមិ/ឃុំ/សង្កាត់/ក្រុង/ស្រុក មានសុវត្ថិភាព ស្របតាមគោលនយោបាយរបស់រាជរដ្ឋាភិបាល ដោយបានដាក់ចេញដោយក្រសួងមហាផ្ទៃ៕